மகளிர் விடுதியில் நுழைந்து பாலியல் பலாத்காரம் செய்த நான்கு போலீஸார் பணி நீக்கம்- சட்டத்தை மீறுபவர்களுக்கு ஒரு பாடம்!

மகளிர் விடுதியில் நுழைந்து பாலியல் பலாத்காரம் செய்த நான்கு போலீஸார் பணி நீக்கம்– சட்டத்தை மீறுபவர்களுக்கு ஒரு பாடம்!

அரசியல், அதிகாரம்–பணபலம் முதலிய அழுத்தங்களில் வேலை செய்து வரும் போலீஸ்காரர்கள்: வேலியே பயிரை மேய்க்கும் போக்கு சட்டம் அமூல் படுத்துபவர்களிடம் இருந்தால், பாதிப்பு அதிகமாகவே இருக்கும். சமிப காலங்களில் தார்மீக உணர்வுகளுக்கு, எண்ணங்களுக்கு, நம்பிக்கைகளுக்கு, அவற்றைச் சார்ந்த (கடந்த 60 ஆண்டுகளாக) நடவடிக்கைக்களுக்கு எதிராக வெவேறு வகையான பிரச்சாரங்கள் நடந்து வருகின்றன. இதனால், நியாயம் தர்மம், சட்டம், ஒழுங்கு என்று யாராவது பேசினாலே கிண்டலுக்கு, நக்கலுக்கு, ஏளனத்திற்குட்படுகிறார்கள். ஊடகங்கள், சினிமாக்கள், கதைகள், ஜோக்குகள் முதலியவையெல்லாம் அந்த ரீதியிலேயே இருந்து வருகின்றன. போலீஸ் துறை, போலீஸ்காரர்கள் முதலியோரும் அத்தகைய எதிர்மறை விமர்சனங்களுக்குள்ளாகி வருகிறார்கள். போதாகுறைக்கு, அரசியல் தலையீடு, அவர்களின் தேர்ந்தெடுப்பு, இடம் மாற்றம், பதவி உயர்வு போன்றவற்றில் அதிகமாகவே உள்ளன. குற்றவாளிகளின் தொடர்புகள், அரசியல் பிணைப்புகள், அதிகாரம்-பணம் கூட்டு முதலியனவும் அவர்களை திக்குமுக்காட வைக்கின்றன. அந்நிலையில் தான் அவர்கள் வேலை செய்து வருகின்றனர். அந்நிலையில், சிலர் வரம்புகளை மீறுகிறார்கள்.

பிப்ரவரி 3, 2013 அன்று மகளிர் விடுதியில் நுழைந்து பாலியல் பலாத்காரம் செய்த போலீஸார்: சென்னை விருகம்பாக்கம் அபிராமி நகரில் முதியோர்களை பராமரிக்கும் தொண்டு நிறுவனம் செயல்பட்டு வருகிறது. அதன் உள்ளே பெண்கள் தங்கும் விடுதியும் உள்ளது[1]. அதில், 20க்கும் மேற்பட்ட பெண்கள் தங்கி இருந்தனர்[2]. இந்நிலையில், கடந்த 2013ம் ஆண்டு பிப்ரவரி 3ம் தேதி இரவு விருகம்பாக்கம் காவல் நிலையத்தில் பணிபுரிந்த சப்-இன்ஸ்பெக்டர் ஜோஸ்வா, தலைமை காவலர் ராஜா, காவலர் குமரேசன், காவலர் குமரன் ஆகியோர் குடிபோதையில் பெண்கள் விடுதிக்குள் சென்றனர்[3]. பின்னர் நான்கு பேரும் விடுதியில் பாலியல் தொழில் நடப்பதாக எங்களுக்கு தகவல் கிடைத்துள்ளது. அதுபற்றி விசாரிக்க நாங்கள் வந்துள்ளோம் என்று கூறி ரகளையில் ஈடுபட்டுள்ளனர்[4]. மேலும், விடுதியில் தங்கியிருந்த இரண்டு இளம்பெண்களை தனியாக அழைத்து சென்று விசாரணை என்ற பெயரில் பாலியல் ரீதியாக தொல்லை கொடுத்து, நிர்வாணப்படுத்தி சில்மிஷங்கள் செய்தனர்[5]. பின்னர் கொடூரமாக அவர்களை தாக்கியுள்ளனர்[6]. அந்த விடுதியில் துணை நடிகை ஒருவரும் தங்கி இருந்தார். அவரையும் மிரட்டி சில்மிஷம் செய்துள்ளனர். அப்போது, அந்த துணை நடிகை எனக்கு மாதவிலக்கு என்று கூறி உள்ளார்[7]. அப்போது, குடிபோதையில் இருந்த நான்கு பேரும் அவரை விடாமல் பாலியல் பலாத்காரம் செய்துள்ளனர்[8]. இதனால் பாதிக்கப்பட்ட துணை நடிகை அப்போது மருத்துவமனையில் அனுமதிக்கப்பட்டு சிகிச்சை பெற்றார். இந்த சம்பவம் தமிழகத்தில் பெரும் அதிர்ச்சி அலைகளை ஏற்படுத்தியது.

பிப்ரவரி 3, 2013ல் நடந்தது – பிப்ரவரி 4, 2013 அன்று புகார் கொடுக்கப்பட்டது: சென்னை, விருகம்பாக்கம் கம்பர் தெருவில் துணை நடிகைகளை தினசரி சம்பள அடிப்படையில், சினிமா படப்பிடிப்புக்கு அனுப்பி வைக்கும் ஏஜென்சி நிறுவனம் செயல்படுகிறது. இந்த நிறுவனம் சார்பில் கடந்த 2013-ம் ஆண்டு பிப்ரவரி மாதம் விருகம்பாக்கம் போலீஸ் நிலையத்தில் பரபரப்பு புகார் மனு ஒன்று கொடுக்கப்பட்டது. அந்த மனுவில் கூறியிருப்பதாவது: “விருகம்பாக்கம் போலீஸ் நிலையத்தில் சப்–இன்ஸ்பெக்டராக பணியாற்றும் ஜோஸ்வா, ஏட்டுகளாக பணியாற்றும் குமரேசன், குமரன் மற்றும் போலீஸ்காரர் ராஜா ஆகியோர் எங்கள் நிறுவனத்தைச் சேர்ந்த துணை நடிகைகளுக்கு அடிக்கடி பாலியல் தொல்லை கொடுக்கிறார்கள். மாமூல் கேட்கிறார்கள். ஆசைக்கு இணங்காவிட்டால் விபசார வழக்கில் ஜெயிலில் தள்ளிவிடுவோம் என்று மிரட்டுகிறார்கள். அவர்கள் மீது நடவடிக்கை எடுக்கவேண்டும்,” இவ்வாறு புகார் மனுவில் கூறப்பட்டிருந்தது. மேலும், விடுதியில் தங்கியிருந்த கீதா, ஜெயலட்சுமி ஆகியோர், அண்ணா நகரில் உள்ள, இந்திரா பெண்கள் முன்மாதிரி கல்வியாளர் சங்கத்தில் முறையிட்டனர். அந்த சங்கம் சார்பில், கலைவாணி என்பவர், போலீஸ் கமிஷனர் மற்றும் விருகம்பாக்கம் காவல் நிலையத்தில் புகார் அளித்தார்.

முதல்கட்ட நடவடிக்கையில் இருவர் பணிநீக்கம்: இந்த புகார் மனு கமிஷனர் உள்பட உயர் அதிகாரிகளுக்கும் அனுப்பி வைக்கப்பட்டது. இந்த மனு மீது விசாரணை நடந்தது. மேலும், இந்த சம்பவம் குறித்து அப்போது வடபழனியில் உதவி கமிஷனராக இருந்த சுப்புராஜன் தலைமையில் விசாரணை குழு அமைக்கப்பட்டது. குழுவின் விசாரணையில், நான்கு பேரும் பாலியல் ரீதியாக தொல்லை கொடுத்தது தெரியவந்தது. விசாரணையில் புகார் மனுவில் கூறப்பட்டுள்ள குற்றச்சாட்டுகள் உண்மையென தெரியவந்தது. முதல்கட்டமாக ஏட்டு குமரேசன், போலீஸ்காரர் ராஜா ஆகியோர் தற்காலிக பணிநீக்கம் செய்யப்பட்டனர். பின்னர் அவர்களை நிரந்தர பணிநீக்கம் செய்தும் உத்தரவிடப்பட்டது.  சப்-இன்ஸ்பெக்டர் ஜோஸ்வா, ஏட்டு குமரன் ஆகியோர் மீது தொடர்ந்து விசாரணை நடந்துவந்தது[9]. தற்போது ஜோஸ்வா குரோம்பேட்டை போக்குவரத்து போலீசில் சப்-இன்ஸ்பெக்டராகவும், ஏட்டு குமரன் எம்.ஜி.நகர் போலீசில் குற்றப்பிரிவு ஏட்டாகவும் பணியாற்றி வந்தனர்[10].

நவம்பர்.2, 2016 புதன்கிழமை பதவி நீக்கம் ஆணை – நிரந்தர பணிநீக்கம்[11]: இவர்கள் இருவர் மீதான குற்றச்சாட்டு நிரூபணமானதை தொடர்ந்து நேற்று முன்தினம் இரவு இவர்கள் மீதும் இலாகாப்பூர்வ நடவடிக்கை எடுக்கப்பட்டது. இருவரையும் நிரந்தர பணிநீக்கம் செய்து சட்டம்-ஒழுங்கு டி.ஜி.பி. (பொறுப்பு) டி.கே.ராஜேந்திரன் உத்தரவு பிறப்பித்தார்[12]. இந்த சம்பவம் போலீசார் இடையே பெரும் பரபரப்பை ஏற்படுத்தி உள்ளது. இருப்பினும், இதனை படிப்பினையாகத்தான் அவர்கள் எடுத்துக் கொள்ளவேண்டும். இதே நேரத்தில், மின்வாரிய ஊழியர்கள் லஞ்சம் பெற்றுக் கொண்ட விசயத்திலும் நான்கு பேர் பணிநீக்கம் செய்யப்பட்டுள்ளனர். “லஞ்ச எதிர்ப்பு விழுப்புணர்வு வாரம்” அக்டோபர் 31 முதல் நவம்பர் 5 2016 வரை கடைப்பிடிக்கப் பட்டு வருகிறது. அந்நிலையில் இவை நடப்பது நல்லதே என்றும் நினைத்துக் கொள்ளலாம். ஊழல் என்பது லஞ்சம் வாங்குவதில் மட்டுமல்ல, எத்தகைய ஒழுக்கக்கேடு, சட்டமீறல், சமுதாய விரோத செயல் முதலியவற்றிலும் உள்ளது. மனத்தூய்மை இல்லையென்றால், அக்குணம் வராது. மனத்தூய்மை வேண்டுமானால், நல்ல சிந்தனைகள், நல்லெண்ணங்கள் முதலியவை உண்டாகும் வகையில் இருக்க வேண்டும். அது சமுதாயத்தில் எல்லோருக்குமே தேவைப்படுகிறது.

© வேதபிரகாஷ்

06-11-2016

[1] தினகரன், விடுதியில் துணை நடிகை மானபங்கம்; போலீஸ் சப்–இன்ஸ்பெக்டர், தலைமை காவலர் டிஸ்மிஸ் : போலீஸ் கமிஷனர் ஜார்ஜ் அதிரடி உத்தரவு, Date: 2016-11-04@ 00:51:19.

[2] http://www.dinakaran.com/News_Detail.asp?Nid=256452

[3] தமிழ்.வெப்துனியா, துணை நடிகைகளுக்கு செக்ஸ் டார்ச்சர் : சப்–இன்ஸ்பெக்டர், ஏட்டு பணி நீக்கம், Last Modified: வெள்ளி, 4 நவம்பர் 2016 (13:35 IST).

[4] http://tamil.webdunia.com/article/regional-tamil-news/sex-torture-to-co-actress-chennai-police-terminated-116110400012_1.html

[5] தினமலர், பெண்கள் விடுதியில் சித்ரவதை: எஸ்.ஐ., உட்பட 2 பேர் ‘டிஸ்மிஸ்‘, பதிவு செய்த நாள்: நவம்பர் 04, 2016: 01.13.

[6] http://www.dinamalar.com/news_detail.asp?id=1641368

[7] தமிழ்.இந்து, போதையில் மகளிர் விடுதியில் நுழைந்து பெண்களிடம் தவறாக நடந்துகொண்ட உதவி ஆய்வாளர், காவலர் பணிநீக்கம்: சென்னை காவல் ஆணையர் எஸ்.ஜார்ஜ் உத்தரவு, Published: November 4, 2016 09:14 ISTUpdated: November 4, 2016 09:15 IST

[8]http://tamil.thehindu.com/tamilnadu/%E0%AE%AA%E0%AF%87%E0%AE%BE%E0%AE%A4%E0%AF%88%E0%AE%AF%E0%AE%BF%E0%AE%B2%E0%AF%8D-%E0%AE%AE%E0%AE%95%E0%AE%B3%E0%AE%BF%E0%AE%B0%E0%AF%8D-%E0%AE%B5%E0%AE%BF%E0%AE%9F%E0%AF%81%E0%AE%A4%E0%AE%BF%E0%AE%AF%E0%AE%BF%E0%AE%B2%E0%AF%8D-%E0%AE%A8%E0%AF%81%E0%AE%B4%E0%AF%88%E0%AE%A8%E0%AF%8D%E0%AE%A4%E0%AF%81-%E0%AE%AA%E0%AF%86%E0%AE%A3%E0%AF%8D%E0%AE%95%E0%AE%B3%E0%AE%BF%E0%AE%9F%E0%AE%AE%E0%AF%8D-%E0%AE%A4%E0%AE%B5%E0%AE%B1%E0%AE%BE%E0%AE%95-%E0%AE%A8%E0%AE%9F%E0%AE%A8%E0%AF%8D%E0%AE%A4%E0%AF%81%E0%AE%95%E0%AF%86%E0%AE%BE%E0%AE%A3%E0%AF%8D%E0%AE%9F-%E0%AE%89%E0%AE%A4%E0%AE%B5%E0%AE%BF-%E0%AE%86%E0%AE%AF%E0%AF%8D%E0%AE%B5%E0%AE%BE%E0%AE%B3%E0%AE%B0%E0%AF%8D-%E0%AE%95%E0%AE%BE%E0%AE%B5%E0%AE%B2%E0%AE%B0%E0%AF%8D-%E0%AE%AA%E0%AE%A3%E0%AE%BF%E0%AE%A8%E0%AF%80%E0%AE%95%E0%AF%8D%E0%AE%95%E0%AE%AE%E0%AF%8D-%E0%AE%9A%E0%AF%86%E0%AE%A9%E0%AF%8D%E0%AE%A9%E0%AF%88-%E0%AE%95%E0%AE%BE%E0%AE%B5%E0%AE%B2%E0%AF%8D-%E0%AE%86%E0%AE%A3%E0%AF%88%E0%AE%AF%E0%AE%B0%E0%AF%8D-%E0%AE%8E%E0%AE%B8%E0%AF%8D%E0%AE%9C%E0%AE%BE%E0%AE%B0%E0%AF%8D%E0%AE%9C%E0%AF%8D-%E0%AE%89%E0%AE%A4%E0%AF%8D%E0%AE%A4%E0%AE%B0%E0%AE%B5%E0%AF%81/article9304143.ece?homepage=true&theme=true

[9] Times of India, Sexual assault in women’s hostel: Two cops sacked, TNN | Updated: Nov 4, 2016, 03.37 AM IST.

[10] http://timesofindia.indiatimes.com/city/chennai/Sexual-assault-in-womens-hostel-Two-cops-sacked/articleshow/55235199.cms

[11] தினத்தந்தி, சென்னையில் துணை நடிகைகளுக்கு பாலியல் தொல்லை: சப்–இன்ஸ்பெக்டர், ஏட்டு பணிநீக்கம், பதிவு செய்த நாள்: வெள்ளி, நவம்பர் 04,2016, 12:20 AM IST; மாற்றம் செய்த நாள்: வெள்ளி, நவம்பர் 04,2016, 3:45 AM IST.

[12] http://www.dailythanthi.com/News/State/2016/11/04002032/SubInspector-head-constable-dismissal.vpf

சென்னை சட்டக் கல்லூரி, 1990ல் அம்பேத்கர் சட்டக் கல்லூரியாகி, 1997ல் அம்பேத்கர் பல்கலைக்கழகம் ஆனதும், சட்டக்கல்லூரி மாணர்கள் அடித்துக் கொண்டதும், 2016ல் வந்துள்ள தீர்ப்பும்!

சென்னை சட்டக் கல்லூரி, 1990ல் அம்பேத்கர் சட்டக் கல்லூரியாகி, 1997ல் அம்பேத்கர் பல்கலைக்கழகம் ஆனதும், சட்டக்கல்லூரி மாணர்கள் அடித்துக் கொண்டதும், 2016ல் வந்துள்ள தீர்ப்பும்!

Ambedkar college – 2008 knife-wielding law srudents

திராவிட அரசியல் சித்தாந்தத்தில் அம்பேத்கர் இருந்ததில்லை: தமிழகத்தில் திராவிட கட்சிகள் மாணவர்களை 1960களில் “இந்தி எதிர்ப்புப் போராட்டங்களில்” ஈடுபடுத்தின.  அரசியல்வாதிகள் “வடக்கு வாழ்கிறது, தெற்கு தேய்கிறது” போன்ற வாசகங்களினால், வடவிந்தியர்களின் மீது வெறுப்பு, காழ்ப்பு மற்றும் துவேசங்களை உண்டாக்கினர். இதற்கு சரித்திர ஆதரம் இல்லாத “ஆரிய-திராவிட” இனவாதங்களை துணைக்கொண்டனர். திராவிடப் பாரம்பரியம், விக்கிரங்களை எதிர்த்தாலும், தலைவர்களுக்கு சிலைகள் வைக்கும் பழக்கத்தை உண்டாக்கியது. இதனால், அத்தகைய சிலைவைக்கும் போக்கும் ஜாதியத்தில் முடிந்தது. தமிழகத்தைப் பொறுத்த வரையில் அம்பேத்கர் என்றுமே திராவிட அரசியலில் இருந்ததில்லை. பெரியார் தான் முக்கிய இடத்தில் இருந்தார்[1]. மேலும், பெரியார் மற்றும் அம்பேத்கர் இடையே இருந்த கருத்து வேறுபாடுகளால் திராவிட சித்தாந்திகள் மற்றும் பெரியாரிஸவாதிகள் அம்பேத்கரை ஒதுக்கியே வைத்தனர். 1940ல் ஜின்னா-பெரியார்-அம்பேத்கர் சந்திப்பிற்குப் பிறகு, மூவரிடையே பெருத்த வேறுபாடுகள் ஏற்பட்டன. ஜின்னா இஸ்லாமிய மதவாதம் மூலம் பாகிஸ்தான் அடைய செயல்பட ஆரம்பித்தார்[2]. பெரியாருக்கு “திராவிடஸ்தான்” விசயத்தில் உதவ மறுத்தார்[3]. அம்பேத்கர் ஆங்கிலேய அரசில் பதவி வகித்தார். ஆனால், பெரியார் ஓரங்கட்டப்பட்டார். 1950ல் பெரியார் பௌத்தத்தைத் தழுவும் விசயத்திலும் அம்பேத்கருக்கு உடன்பாடில்லை. அம்பேத்கருக்கு “ஆரிய-திராவிட” இனவாதங்களில் நமிக்கையில்லை, குறிப்பாக இனசித்தந்தத்தை மறுத்தார்.  இதனால், திராவிட சித்தாந்த்தில் அம்பேத்கர் இருக்கவில்லை.

சட்டக்கல்லூரி மாணவிகள் அடித்துக் கொண்டது – நவம்பர் 2008

1990களிலிருந்து அம்பேத்கர் சிலை, சின்னம் முதலியவை தமிழகத்தில் நுழைந்தது: 1990களில் அம்பேத்கர், ஒரு சின்னம் போன்று உபயோகப்பட ஆரம்பிக்கப்பட்டது. அப்பொழுதும், அம்பேதகர் சிலைகள் பிரச்சினையை உண்டாக்கும் என்று தான் கருதப்பட்டது. திராவிட சித்தாந்தத்தில் அம்பேத்கர் இருந்ததில்லை. அதனால், அம்பேத்கர் சிலை என்பது, தலித் மற்றும் தலித்-அல்லாதவர்களிடையே உள்ள பிரச்சினையாக, அடையாளமாக இருக்கும் என்று கருதப்பட்டது என்று ராஜாங்கம்[4] போன்றோர் எடுத்துக் காட்டினர். மண்டல் கமிஷன் 1979ல் ஜனதா ஆட்சியில் ஆரம்பிக்கப்பட்டாலும், ஆகஸ்ட்.7, 1990 அன்று வி.பி.சிங் ஆட்சியில் அது அறிக்கையைக் கொடுத்தது. பிறகு, 1992ல் மண்டல் தீர்ப்பு [Indira Sawhaney v. Union of India] வெளியானது. முதன் முதலாக “அம்பேத்கர் ஜெயந்தி” என்று அரசு ஏப்ரல்.14க்கு விடுமுறை அறிவித்தது. முன்னர் அத்தகைய வழக்கம் இல்லை. இதனால், ஜாதியத்திற்கு நாடு முழுவதும் ஊக்கம் கொடுக்கப்பட்டது. தமிழகத்தில், அம்பேத்கர் சிலைகளை வைத்து ஜாதீய அரசியல் ஆரம்பிக்கப்பட்டது. இதனால், தேவர் சிலை வைத்து அரசியலை ஆரம்பித்தனர். 1971லேயே அவரது சமாதி அரசு நினைவகமாக மாற்றப்பட்டது. 1980ல் சட்டசபையில் தேவர் சிலை வைக்கப்பட்டது. 1984ல் “பசும்பொன் முத்துராமலிங்கம் மாவட்டம்முண்டாக்கப்பட்டது. முன்னர் அத்தகைய வழக்கம் தமிழக்கத்தில் இல்லை. இந்நிலையில் சில கட்சிகள் அம்பேத்கரை சின்னமாக உபயோகிக்க ஆரம்பித்தன.

சென்னை சட்டக் கல்லூரி, 1990ல் அம்பேத்கர் சட்டக் கல்லூரியாகி, 1997ல் அம்பேத்கர் பல்கலைக்கழகம் ஆனது: 1990ல், அம்பேத்கர் நுற்றாண்டு விழா தருவாயில் “மெட்ராஸ் லா காலேஜ்”, “அம்பேத்கர் சட்டக் கல்லூரி” என்று பெயர் மாற்றப்பட்டது. சென்னைப்பல்கலைக்கழத்தின் கீழிருந்த இது, 1997ல் அம்பேத்கர் சட்டப் பல்கலைக்கழகமாக மாற்றப்பட்டது. ஆன்னால், இது ஜாதிய நோக்கில் எடுத்துக் கொள்ளப்பட்டது. மாநில போக்குவரத்துத் துறைகளுக்கு பெயர் வைக்கப்பட்ட போக்கும் அவ்வாறே மாறி, ஒருநிலையில் கைவிடப்பட்டது. மாவட்டங்களுக்கு ஜாதிய தலைவர்களின் பெயர்களும் நீக்கப்பட்டன. ஆனால், ஜாதிய சங்கங்கள் முதலியன இயங்கிக் கொண்டுதான் இருந்தன. நீதிமன்ற வளாகத்திலேயே, வழக்கறிஞர்கள் சங்கங்கள் கட்சிவாரியாகத்தான் இருந்தன, இருந்து வருகின்றன. ஆகவே, அம்பேத்கர் பெயரில் சங்கம் ஆரம்ப்க்கும் பொழுது அது ஜாதிரீதியில் தான் இருக்கிறது. ஆக, சட்டக் கல்லூரி மாணவர்கள் இத்தகைய அரசியல் மற்றும் ஜாதி அமைப்புகளுடன் தொடர்பு கொண்டு, ஆதரவாக செயல்படும் போது, பிளவுபடுகின்றனர். 2000களில் சித்தாந்த ரீதியிலான மாணவர் சங்கங்கள், ஜாதிய ரீதியிலும் செயல்பட ஆரம்பித்தன. ஆனால், “அம்பேத்கர்” சங்கம் வரும் போது, அது எஸ்.சி மற்றும் எஸ்.சி-அல்லாதோர் பிரச்சினையாகத்தான் மாறுகின்றன. அதனை, “தலித்” மற்றும் “தலித்”-அல்லாதோர் பிரச்சினை என்று ஊடகங்கள் குறிப்பிடுகின்றன.

2008 தேவர் ஜெயந்தி போஸ்டர் சமாசாரம் பிரச்சினையை ஆரம்பித்து வைத்தது: டாக்டர் அம்பேத்கர் சட்டக்கல்லூரி மாணவர்களிடையே கடந்த 2008-ம் ஆண்டு நடந்த மோதல் சம்பவம் தொடர்பாக பதிவான 2 வழக்குகளில் 21 மாணவர்களுக்கு தலா 3 ஆண்டு சிறை தண்டனை விதித்து மாவட்ட கூடுதல் செசன்சு கோர்ட்டு தீர்ப்பு அளித்துள்ளது[5]. தாக்குதல் சம்பவம் சற்று விரிவாக… ”பல வருடங்களாகவே சென்னை டாக்டர் அம்பேத்கர் சட்டக் கல்லூரியில் சாதி பிரச்னை இருந்து வந்தது. இந்நிலையில் விடுதியில் தங்கிப்படித்த மாணவர்களுக்கும், டேஸ்காலர் மாணவர்களுக்கும் தொடர்ந்து சண்டைகள் இருந்தது. அடுத்து தலித் மற்றும் தலித் அல்லாத் மாணவர்களுக்கும் பிரச்னை இருந்து வந்தது[6]. இந்நிலையில் அப்போது சட்டக்கல்லூரியில் மூன்றாம் ஆண்டு படித்த மாணவரான பாரதிகண்ணன் தலைமையிலான ஆறுமுகம், பேச்சுமுத்து அய்யாதுரை உள்ளிட்ட மாணவர்கள் ‘முக்குலத்தோர் மாணவர் பேரவை’ என்ற பெயரில் ஒரு அமைப்பைத் தொடங்கினார்கள். இவர்கள் தேவர் ஜெயந்திக்காக அச்சடிக்கப்பட்ட துண்டறிக்கையில் கல்லூரியின் பெயரான  டாக்டர் அம்பேத்கர் சட்டக்கல்லூரி எனும் பெயரை போடாமல் சட்டக்கல்லூரி என மட்டும் போட்டதுடன், சிங்கங்களே, ஒன்று சேருங்கள்’ என போஸ்டர் ஒட்டினார்கள். இதுதான் பிரச்னைக்கு வித்திட்டது.

12-11-2008 அன்று மாணவர்கள் மோதல், அடிதடி: இதுதொடர்பாக இரு தரப்பு மாணவர்களும் அடிக்கடி மோதிக்கொண்டனர்[7].  இந்த நிலையில், 2008-ம் ஆண்டு நவம்பர் மாதம் 12-ந்தேதி மாலை கல்லூரியில் செமஸ்டர் தேர்வு எழுதி விட்டு வெளியில் வந்தபோது மாணவர்களுக்கு இடையே கடுமையான மோதல் ஏற்பட்டது[8].  சம்பவத்தன்று பாரதிகண்ணன் தலைமையினான மாணவர்கள் கத்தி உள்ளிட்ட கொடூர ஆயுதங்களுடன் சட்டக்கல்லூரியில் நுழைந்தனர். அதில் பாரதிகண்ணன்  கத்தியோடு பாய, சித்திரைச்செல்வன் என்கிற மாணவரின் காது கிழிந்தது. அடுத்து சித்திரச்செல்வன் தரப்பு, உருட்டுகட்டை, குண்டாந்தடிகளால் பாரதிகண்ணன், அய்யாதுரை, ஆறுமுகம் உள்ளிட்டோரை வெறித்தனமாகப் புரட்டியெடுத்தார்கள்.  இந்த தாக்குதலில் இருதரப்பு மாணவர்களும் காயமடைய, சென்னை அரசு மருத்துவமனையில் பாரதிகண்ணன், அய்யாதுரை, ஆறுமுகம் மற்றும் சித்திரைச்செல்வன் உள்ளிட்டோர் அனுமதிக்கப்பட்டனர்.  இதன்பிறகு தாக்குதலுக்கு காரணமான மாணவர்கள் ஒரு மாதம் சிறையில் இருந்தார்கள். இந்த தாக்குதல் அப்போது தமிழகத்தையே அதிர வைத்தது. தாக்குதல் தொலைக்காட்சிகளில் வெளியாக பதற்றத்தில் உறைந்துபோனார்கள் மக்கள்[9].

 

© வேதபிரகாஷ்

30-01-2016

[1] Ambedkar was never an integral part of the Dravidian rhetoric of anti-Brahmanism or egalitarianism. Periyar [E.V. Ramasamy] was put at the centre, and Ambedkar, where he featured at all, was relegated to the position of a leader of Dalits who fought for the rights of the Scheduled Castes. There were no clear-sighted attempts by political parties and social movements in the State to explicate the fact that Ambedkar’s contribution to non-Dalits was phenomenal. The political parties which thrive on concepts of social justice and democracy have failed to give proper recognition to Ambedkar and his ideology in their rhetoric or interventions despite the fact that Tamil Nadu is a State that has more reservation benefits for the intermediate castes than any other. http://www.frontline.in/static/html/fl2919/stories/20121005291913600.htm

2012. Karthikeyan and H. Gorringe, Resuing Ambedkar, Frontline, Volume 29 – Issue 19 :: Sep. 22-Oct. 05, 2012. http://www.frontline.in/static/html/fl2919/stories/20121005291913600.htm

[2] K. V. Ramakrishna Rao, The Historic Meeting of Ambedkar, Jinnah and Periyar, a paper presented during the 21^st session of SIHC and published in the proceedings, School of Historical Studies, Madurai Kamaraj University, Maudrai, 2002, pp.128-136.

[3] https://ambedkarstudies.wordpress.com/2015/04/22/why-jinnah-evr-and-ambedkar-met-at-bombay-in-1940-against-congress/

[4] This failure by the Dravidian parties to take Ambedkar along with them is one of the key reasons why certain intermediate castes see him and his statues as caste-based challenges to the supremacy of their own leaders and icons. The proliferation of Ambedkar statues post-1990 is perceived as a threat which has often become the starting point for contests over public space. His absence from the language of Dravidianism, Rajangam notes, reinforces his image as the symbol of the conflict between Dalits and non-Dalits.

Rajangam, S. 2011. “Rise of Dalit Movements and the Reaction of Dravidian Parties” in K. Satyanarayana and S. Tharu (Eds) No Alphabet in Sight: New Dalit.

[5] நக்கீரன், சென்னை சட்டக்கல்லூரி மாணவர்கள் மோதல் வழக்கில்  21 பேருக்கு சிறை – 22 பேர் விடுவிப்பு, பதிவு செய்த நாள் : 28, ஜனவரி 2016 (17:30 IST) ; மாற்றம் செய்த நாள் :28, ஜனவரி 2016 (17:30 IST).

[6] http://www.vikatan.com/news/tamilnadu/58255-madras-law-college-students-clash.art

[7] விகடன், தமிழகத்தை உலுக்கிய ‘2008 நவம்பர் 12’, Posted Date : 10:45 (29/01/2016).

[8] http://tamil.oneindia.com/news/tamilnadu/law-college-clash-21-gets-3-year-sentence-245493.html

[9] சி.ஆனந்தகுமார், தமிழகத்தை உலுக்கிய ‘2008 நவம்பர் 12’, விகடன், Posted Date : 10:45 (29/01/2016).

அல்-உம்மா மீண்டும் தலையெடுக்கிறதா – வேறு உருவத்தில் செயல்படுகின்றதா?

அல்-உம்மா மீண்டும் தலையெடுக்கிறதா – வேறு உருவத்தில் செயல்படுகின்றதா?

பெங்களூரு வெடிகுண்டு விசாரணையில் சந்தேகிக்கும்படியாக கைது செய்யப் பட்டுள்ளவர்கள் எல்லோரும் முந்தைய “அல்-உம்மா” என்ற தீவிரவாத இயக்கத்துடன் சம்பந்தப்பட்டிருப்பதாக போலீஸார்  எடுத்துக் காட்டுகின்றனர்[1]. ஆனால், விசாரணைக்கு அழைத்துச் செல்லப்பட்டவர்கள் என்ன சொல்கிறார்கள் என்று தெரியவில்லை. இதில் ஏற்கெனவே தண்டனை பெற்றவர்கள் ஏன் மற்படியும் பழைய தொடர்புகளை வைத்திருக்கிறர்கள் என்றும் தெரியவில்லை. முன்பு போல திருநெல்வேலி-கோயம்புத்தூர்-பெங்களூரு இணைப்பும் தெரிகிறது[2]. இதனால், தடை செய்யப்பட்ட தீவிரவாத இயக்கங்கள் மீண்டும் தலையெடுக்கின்றவா – வேறு உருவத்தில் செயல்படுகின்றனவா என்ற சந்தேகமும் தலைதூக்கியுள்ளது[3]. தடை செய்யப்பட்ட சிமி, வஹதத்-இ-இஸ்லாமி ஹிந்த் (Wahadat-e-Islami Hind) என்ற பெயரில் செயல்படுவதாகச் சொல்லப் படுகிறது[4]. சட்டரீதியில், எப்படி ஒரே சட்டமீறல்களை, குற்றத்தை, அதே நபர் இருமுறை அல்லது பலமுறை மற்றும் தொடர்ச்சியாக செய்து வந்தாலும், தப்பித்துக் கொள்கிறார்கள் என்று தெரிகிறது[5]. இது வெறும் சார்புடைய நிகழ்சியா உண்மையா என்பது விசாரணை முடிந்த பின்னர் தான் தெரியும்.

“குஷ்புவும், குணங்குடி ஹனீபாவும், நீதிமன்றங்களும்” என்ற தலைப்பில் எப்படி சட்டங்கள் புரட்டப்படுகின்றன என்பதனை எடுத்துக் காட்டியிருந்தேன்[6]. முன்னுரையில் கீழ்கண்டவாறு குறிப்பிட்டிருந்தேன்.

இங்கு குறிப்பிடப் பட்டுள்ள நபர்களின் பெயர்கள் உருவகமாகத்தான் உபயோகப்படுத்தப் படுகின்றன.சட்டரீதியில், எப்படி ஒரே சட்டமீறல்களை, குற்றத்தை, அதே நபர் இருமுறை அல்லது பலமுறை மற்றும் தொடர்ச்சியாக செய்து வந்தாலும், தப்பித்துக் கொள்கிறார்கள் என்பது சுட்டிக் காட்டப் படுகிறது.அதுமட்டுமல்லாது, அவ்வாறு குற்றஞ்சாட்டப்பட்டவர்கள் விடுவிக்கப் படுகிறர்கள் என்பதால், குற்றங்கள் நடந்துள்ளது பொய்யாகாது;அதாவது குரூரமாக குண்டுகள் வைத்தது உண்மை,குண்டுகள் வெடித்தது உண்மை, மனித உடல்கள், உருப்புகள், உள்–பகுதிகள் சிதறியது உண்மை; ரத்தம் பீச்சியடித்தது உண்மை; பல உயிர்கள் அநியாயமாகக் கொல்லப்பட்டது உண்மை, கொல்லப் பட்டவர்களுக்கு நிச்சயமாக கொலைகாரர்கள் பதில் சொல்லியாகவேண்டும். அதே மாதிரிதான் மற்ற வழக்குகளில் ஏற்பட்டுள்ள சட்டமீறல்களை நீதிமன்றங்கள் பூசிமெழுகினாலும், நீதிபடிகள் சொதப்பி மறைக்க முயன்றிருந்தாலும், சமந்தப் பட்டவர்கள் பாதிப்பு ஏற்பட்டவர்களுக்கு பதில் சொல்லியாகவேண்டும். “நாத்திகம்” என்ற போர்வையில் “ஆண்டவனே இல்லை”யென்றாலும், இஸ்லாம் என்ற முகமூடிக்குப் பின்பு இருந்து “காஃபிர்”களைக் கொல்வோம் என்றாலும், “நான் என்ன செய்வது, கொடுத்த பதவிக்காக அவ்வாறு செய்ய வேஎண்டியிருந்தது”, என்ற்ய் சமாதானப் படுத்திக் கொண்டாலும், அவர்கள் தண்டனையிலிருந்துத் தப்பித்துக் கொள்ளமுடியாது. சட்டங்களை வளைக்கலாம், தவறாக விளக்கங்களுக்குட்படுத்தலாம், தங்களை நியமித்த அரசியல்வாதி–எஜமானர்களுக்கேற்ப தீர்ப்புகள் அளித்திருக்கலாம், ஆனால், சாகும் முன்னரே அவர்கள் தங்களது மனசாட்சிற்கு பதில் சொல்லியாகவேண்டும்.

இப்பொழுது, மறுபடியும் அவர்களே தீவிரவாதத்தில் ஈடுபடுவது போலிருக்கிறது. முன்பு அவர்களின் புகைப்படங்கள் இருந்தன. ஆனால், இப்பொழுதில்லை. தமிழக போலீஸ் இணைதளத்திலிருந்தும் அவை நீக்கப்பட்டுள்ளன[7]. கீழ்கண்ட வாசகங்கள் தாம் வருகின்றன[8].

404 – File or directory not found. The resource you are looking for might have been removed, had its name changed, or is temporarily unavailable

அமெரிக்காவில், சந்தேகிக்கப் படும் குற்றவாளிகளின் புகைப்படங்களை வெளிப்படையாக பிரசுரிக்கிறார்கள். அதனால் மக்களிடம் விழிப்புணர்வு ஏற்படுகிறது. ஆனால், இங்கு அவர்களை மறைப்பது ஏன் என்று தெரியவில்லை. வெளிப்படையான விசாரணை இல்லை என்று முஸ்லீம்கள் போலீசாரையே குற்றஞ்சாட்டப்படும் போது, பழைய குற்றவாளிகள் என்று அவர்களின் புகைப்படங்கள் இருந்துவிட்டு போகலாமே?

இதுவரை கைது செய்யப் பட்டுள்ளவர்கள்: பெங்களூரு குண்டுவெடிப்பு சம்பந்தமாக, கீழ்கண்டவர்கள் போலீசாரால் கைது செய்யப்பட்டுள்ளனர். இவையெல்லாம் செய்திகளில் வெளிவந்தவை, ஆனால், தனித்தனியாக புகைப்படங்கள் இல்லாமல், யார்-யார் என்று தெரிந்து கொள்ளாமல் இருக்கும்படி உள்ளன. அவற்றிலிருந்து தொகுத்துக் கொடுக்கப்பட்டுள்ளன:

கிச்சான் புகாரி (38)[9] – மதுரையில் மாட்டுத்தாவணி பஸ் நிலையம் அருகில் ஒரு லாட்ஜில் தங்கியிருந்தான் – நெல்லை மேலப்பாளையம் – மேலப்பாளையத்தில், மாட்டுச் சந்தை நடத்தி வந்தவன், கோவை குண்டு வெடிப்பு வழக்கில் தண்டனை பெற்றவன் எட்டு கொலை மற்றும் குண்டு வெடிப்பு வழக்குகளில் தொடர்புடையவன். புழல் ஜெயிலில் தண்டனை அனுபவித்த கிச்சான் புகாரி 6 மாதத்துக்கு முன்புதான் விடுதலையானான். அல் உம்மா இயக்கம் தடை செய்யப்பட்டதால் சிறுபான்மையின நல அறக் கட்டளை என்ற அமைப்பை தொடங்கி நடத்தி வந்தான்.  இந்த அமைப்புக்கு வெளிநாடுகளில் இருந்து நிதி பெற்று கோவை குண்டு வெடிப்பு கைதிகளின் குடும்பத்தினருக்கு உதவி வந்தான்.

சதாம் உசேன்: கிச்சான் புகாரியின் உறவினர் சதாம் உசேன், கடந்த மாதம், போத்தனூர் திருமண மண்டபத்தில் நடந்த, ரகளை வழக்கில் கைது செய்யப்பட்டு, சேலம் மத்திய சிறையில் அடைக்கப்பட்டுள்ளார். பெங்களூரு குண்டுவெடிப்பில் தொடர்புடைய பைக்கை, இவர் பயன்படுத்தியதாக சந்தேகிக்கப்படுகிறது.

பீர் முகைதீன் (39) – நெல்லை மேலப்பாளையம் ஆமீன்புரத்தை சேர்ந்தவன் – சென்னை பூக்கடை பகுதியில் ஒரு லாட்ஜில் பதுங்கி இருந்தவன்,

பஷீர் அகமது (30) – நெல்லை மேலப்பாளையம் ஆமீன்புரத்தை சேர்ந்தவன் – கட்டட தளவாட பொருட்கள் புரோக்கர், சென்னை பூக்கடை பகுதியில் ஒரு லாட்ஜில் பதுங்கி இருந்தவன்

பீர் முகமது – நெல்லை மேலப்பாளையம் ஆமீன்புரத்தை சேர்ந்தவன் – இவர்கள் அல் உம்மா இயக்கத்தில் நேரடி தொடர்பில் உள்ளவன் – பெங்களூரில் டீ தூள் விற்பவன்-

முகமது ஷாலி – மதுரையில் மாட்டுத்தாவணி பஸ் நிலையம் அருகில் ஒரு லாட்ஜில் தங்கியிருந்தான். இவர், “சாரிட்டபிள் டிரஸ்ட் பார் மைனாரிட்டீஸ்’ என்ற அமைப்பை சேர்ந்தவர். நாகர்கோவில் பகுதியில் சிலருடன் சேர்ந்து, பா.ஜ., நிர்வாகி எம்.ஆர்.காந்தி, 62, தாக்குதலில் ஈடுபட்டது தெரிந்தது.

பஷீர் – அல் உம்மா இயக்கத்தில் நேரடி தொடர்பில் உள்ளவன், நெல்லை மேலப்பாளையத்தைச் சேர்ந்தவன் – திருநெல்வேலியில் ஒரு ரியல் எஸ்டேடில் ஆபீஸ் பையனாக வேலை செய்பவன்.

ரசூல்மைதீன் – அல் உம்மா இயக்கத்தில் நேரடி தொடர்பில் உள்ளவன் – சென்னையில் பிடிபட்டவன்

சலீம் – அல் உம்மா இயக்கத்தில் நேரடி தொடர்பில் உள்ளவன் – சென்னையில் பிடிபட்டவன்

முன்பே குறிப்பிட்டபடி, இவர்களின் பெயர்கள் கூட வெவ்வேறு இடங்களில் குறிப்பிட்டும், குறிப்பிடாமலும் உள்ளன. ஆங்கில நாளிதழ்களில் கொடுக்கப்படும் விவரங்கள் தமிழ் நாளிதழ்களில் கொடுக்கப்படுவதில்லை. அல்லது குறைத்துப் போடுகிறார்கள்.

© வேதபிரகாஷ்

24-04-2013

---

[1] http://www.asianage.com/india/terror-arrests-point-rise-al-ummah-866

[2] http://www.dnaindia.com/bangalore/1826439/report-al-umma-behind-bangalore-bike-bomb-blast

[3] http://www.deccanherald.com/content/328095/al-umma-outfit-raising-its.html

[4] Further, Tamil Nadu has also banned the All India Jihad Committee and Students Islamic Movement of India (SIMI). But SIMI, is regrouping under the banner of Wahadat-e-Islami Hind, Jayalalitha said.

[5] http://www.thehindu.com/news/national/tamil-nadu/former-alumma-activists-allegedly-involved-in-advani-bomb-case/article2598325.ece

[6] வேதபிரகாஷ், குஷ்புவும், குணங்குடிஹனீபாவும், நீதிமன்றங்களும், 1-6, மே.2010,

https://lawisanass.wordpress.com/2010/05/22/%E0%AE%95%E0%AF%81%E0%AE%B7%E0%AF%8D%E0%AE%AA%E0%AF%81%E0%AE%B5%E0%AF%81%E0%AE%AE%E0%AF%8D-%E0%AE%95%E0%AF%81%E0%AE%A3%E0%AE%99%E0%AF%8D%E0%AE%95%E0%AF%81%E0%AE%9F%E0%AE%BF-%E0%AE%B9%E0%AE%A9/

https://lawisanass.wordpress.com/2010/05/24/%E0%AE%95%E0%AF%81%E0%AE%B7%E0%AF%8D%E0%AE%AA%E0%AF%81%E0%AE%B5%E0%AF%81%E0%AE%AE%E0%AF%8D-%E0%AE%95%E0%AF%81%E0%AE%A3%E0%AE%99%E0%AF%8D%E0%AE%95%E0%AF%81%E0%AE%9F%E0%AE%BF-%E0%AE%B9%E0%AE%A9-2/

https://lawisanass.wordpress.com/2010/05/24/%E0%AE%95%E0%AF%81%E0%AE%B7%E0%AF%8D%E0%AE%AA%E0%AF%81%E0%AE%B5%E0%AF%81%E0%AE%AE%E0%AF%8D-%E0%AE%95%E0%AF%81%E0%AE%A3%E0%AE%99%E0%AF%8D%E0%AE%95%E0%AF%81%E0%AE%9F%E0%AE%BF-%E0%AE%B9%E0%AE%A9-3/

https://lawisanass.wordpress.com/2010/05/24/%E0%AE%95%E0%AF%81%E0%AE%B7%E0%AF%8D%E0%AE%AA%E0%AF%81%E0%AE%B5%E0%AF%81%E0%AE%AE%E0%AF%8D-%E0%AE%95%E0%AF%81%E0%AE%A3%E0%AE%99%E0%AF%8D%E0%AE%95%E0%AF%81%E0%AE%9F%E0%AE%BF-%E0%AE%B9%E0%AE%A9-4/

https://lawisanass.wordpress.com/2010/05/24/%E0%AE%95%E0%AF%81%E0%AE%B7%E0%AF%8D%E0%AE%AA%E0%AF%81%E0%AE%B5%E0%AF%81%E0%AE%AE%E0%AF%8D-%E0%AE%95%E0%AF%81%E0%AE%A3%E0%AE%99%E0%AF%8D%E0%AE%95%E0%AF%81%E0%AE%9F%E0%AE%BF-%E0%AE%B9%E0%AE%A9-5/

https://lawisanass.wordpress.com/2010/05/24/%E0%AE%95%E0%AF%81%E0%AE%B7%E0%AF%8D%E0%AE%AA%E0%AF%81%E0%AE%B5%E0%AF%81%E0%AE%AE%E0%AF%8D-%E0%AE%95%E0%AF%81%E0%AE%A3%E0%AE%99%E0%AF%8D%E0%AE%95%E0%AF%81%E0%AE%9F%E0%AE%BF-%E0%AE%B9%E0%AE%A9-6/

[7] http://www.tnpolice.gov.in/wantmain.html

[8] http://www.tnpolice.gov.in/Wanted/Want1.HTML

[9] Kic­han Buhari, a prominent member of the All India Jehad Committee (AIJC) and a close associate of its founder – Ahmad Ali alias Palani Baba, People’s Democratic Party Chairman, Abdul Nasser Madani, and Kun­nangudi Hanifa of Tamil Muslim Munnetra Kazhagam (TMMK)